Популарна дестинација – Лондон

Лондон е главен и најголем град на Англија и Обединетото Кралство.

Сместен во југоисточниот дел на Англија, Лондон е еден од најважните центри на политичка моќ, култура, образование, мода, спорт и туризам во светот. Овој град носи неофицијална титула на светска културна престолнина.

На подрачјето на Лондон преовладува клима која е под силно влијание на Атланскиот Океан, односно Голфската струја која се шири од Атлантикот. Тоа е блага океанска клима, а просечната годишна температура во Лондон изнесува 10 степени целзиусови.

Лондон е град со долга историја и традиција. Населението егзистирало уште во бронзеното доба, иако самиот град е основан во римско време, и тогаш го носел името Лондониум. За време на раниот среден век, Лондон бил повеќе пати уништуван, а со создавањето на Кралството Англија станува негов најголем град. Во текот на долгата англиска историја, Лондон стана центар на речиси сите значајни збиднувања. Во деветнаесетиот век, Лондон е најголемиот град на светот, а неговиот модерен развој го стави пред сите други престолнини. Трендот на развој во Лондон трае и денес, па затоа овој град се смета за еден од најважните центри на светот.

Лондон е една од најпопуларните туристички дестинации, со културно-историски знаменистости со кои ретко која престолнина може да се гордее.