Снежните топки се забава за децата и за возрасните. Постојат во различни големини, најчесто со новогодишни и божиќни мотиви. Еве како на едноставен начин да ја направите и вие вашата снежна топка и да ги израдувате вашите најмили.
За изработка на топчињата ви е потребно:
Тегла или стаклен сад со капак
Превриена и изладена вода
Глицерин
Монистра, топчиња од стиропор, или вештачки снег кристали
Силиконски гел
Малечка фигура
Постоље, малку поголемо од капакот на кој ќе стои топката
Лепак
Стаклената топка се мие и темелно се суши пред изработка. Најпрво со лепак причврстете ја фигурата за внатрепната страна на капакот. Теглата наполнете ја со вода до врвот. Додадете неколку капки глицерин , а потоа додадете ја монистрата. Капакот заедно со фигурата затегнете го на теглата. Подготвената тoпка можете да залепите на постољето.