Луксузниот дом на Мараја Кери

Познатата поп ѕвезда Мараја Кери, и нејзиниот сопруг Ник Кенон ја ставија на продажба нивната луксузна вила во Калифорнија, по цена од 12.99 милиони долари…

Овој познат пар кој е во брак веќе пет години го купи овој дом за 6.97 милиони долари во 2009. година. Сега сакаат да ја дуплираат својата инвестиција. Оваа вила со колонијален стил, со 1.300 метри квадратни простор има седум спални соби, девет бањи, формална дневна соба и трепезарија, модерно домашно кино, фитнес теретана, музичка соба и игралиште за кошарка.

Овој дом има прекрасен ентериер со луксузни подови од дрво и мермер. Француските врати и прозорци создаваат отворен план на просторот и му даваат на домот доволна количина на природна светлина.

Во надворешноста се наоѓаат долгиот базен и прекрасната градина. Инаку овој пар во домот уживаше со своите двегодишни близнаци, а нивниот дом беше претставен на насловните страни од моногу списанија.