Нема ништо полошо од чувство на постојана борба сензационално да чекорите во високи потпетици, додека се обидувате да ја одржите рамнотежата и да заборавите на болката. Наместо да ги чувате омилените чевли во вашиот плакар и да заборавите дека постојат, во вашата рутина за вежбање вметнете ги и овие вежби.
Во теретана: Преса за нозе
Вежбањето на оваа справа, го активирате секој мускул кој се активира кога одите на високи потпетици. Тоа се квадрицепсите, листовите и најголемиот страничен мускул. Направете 4 серии од 10 повторувања.
Дома: Подигнување на прсти
Оваа вежба делува на листовите и мускулите на потколеницата – односно на оние мускули кои се заслужни за стабилизирање на зглобовите. А токму силни глуждови и листови се императиц за сите оние жени кои преферираат носење на високи потпетици.
Дома: Подигнување со товар
Оваа вежба може да ја правите во теретана на соодветна справа, но може да ја практикувате и дома. Седнете исправено и на колената ставете некаков товар, а потоа товарот подигнувајте го со прстите. Оваа вежба исто така ги зајакнува листовите.
Дома: Ножна азбука
Седнете на под и едната нога, држејќи ја во воздух обидете се да ги напишете сите букви на азбуката. Воглавно поместувајќи го глуждот. Оваа вежба ја поттикнува циркулацијата во нозете и ги опушта лигаментите.
Во теретана: Истегнување на нозете
На оваа справа најќесто се вежбаат квардицепсите, но ако се оддалечите малку од седиштето, повеќе ќе работи задникот и најголемиот страничен мускул, како и бутовите.
Дома: Тркалање
Земете мала топка или сукало за тесто и масирајте го стапалото газејќи по топчето или сукалото. Оваа вежба е погодна за периодот по носење на високи потпетици бидејќи на тој начин се опушта напнатоста во стапалата кои се изиритирани од високите потпетици.