Овој уникатен хотел се наоѓа во приватниот природен резерват Huilo Huilo во резерватот во Лос Риос (Чиле).
Ова е место кое доколку имате прилика во животот мора да го посетите. Изграден е во центарот на биосферата прогласена за национално богатство од страна на УНЕСКО.
Хотелот е екстремно оддалечен од сите соседни дестинации и населени места и луѓето одат таму исклучиво за да одморат, сред тишината на природата.
Архитектурата и внатрешното уредување се приказна сами по себе. Целиот ентериер е изработен од масивно дрво кое му дава мек и топол изглед на местото, а прозорците кои ги има насекаде овозможуваат да се чувствувате како дел од надворешната природа.
Посета на хотелот во зима е вистински предизвик. Да се биде на топло во сред снежна тивка шума. Магично!
