ПОТРЕБНИ СОТОЈКИ:
За тестото :
* 200 гр. омекнат путер
* 2/3 од чаша кафеав шеќер
* чаша и пол брашно
* 1/2 лажичка сол
За филот :
* 100 гр. путер
* 1 чаша кафеав шеќер
* 1/3 чаша мед
* 2 лажици слатка павлака
* 2 чаши сецкани ореви
НАЧИН НА ПОДГОТОВКА:
Измешајте ги со миксер путерот со кафеавиот шеќер, а потоа додадете ги брашното и солта. Убаво измешајте. Смесата треба да биде ронлива. Во тавата за печење ставете фолија и распоредете ја смесата внатре и убаво притиснете ја.
Ставете да се печи на 150º околу 20 минути или додека не добие светло златна боја.
За да го направите филот измешајте ги путерот, кафеавиот шеќер, медот и павлаката на средна топлина. Додадете ги сецканите ореви.
Извадете ја тавата од рерната и веднаш ставете го филот врз тестото и покријте го цело.Вратете ја тавата во рерна и печете дополнителни 20 минути.
Откако ќе се испечат штанглите, оставете ги накратко да се оладат, а потоа тргнете ги од тавата со помош на фолијата и исечете ги на коцки.
