ПОТРЕБНИ СОСТОЈКИ:
* 2 кг смокви
* 2 кг шеќер
* 2 лажички сода бикарбона
* 1 лимон
НАЧИН НА ПОДГОТОВКА:
1.Смоквите (по можност поситни и потврди) измијте ги, исечете го врвчето и ставете ги во широко тенџере. Прелијте ги со вода, ставете 2 лажички сода бикарбона и оставете водата да зоврие. После 5 минути откако вода ќе врие, тргнете ги настрана исцедете ги и измијте ги со ладна вода.
2.Во истото големо тенџере, ставете шеќер и вода колку да го покрие шеќерот. Мешајте се додека не добиете густ сируп т.е се додека шеќерот не се растопи.
3.Во сирупот, ставете ги претходно сварените смокви и на тивок оган варете ги се додека не омекнат и станат скоро проѕирни. Во меѓувреме, доколку при варењето се појави густа пења, отстранете ја.
4.Лимонот измијте го, исечкајте го на крукчиња и ставете го во готовото слатко.
5.Свареното слатко од смокви, тргнете го настрана, покријте го со крпа и оставете го да се олади. Ладно, префрлете го во стерилизирани тегли.