Освен што ви го разубавува утрото, сега кафето можете да го искористите и да си ги разубавите најкритичните делови на телото.
Ако сакате на време да го подготвите телото за топлите денови кои следуваат, направете ја следнава паста од само 3 состојки и користете ја редовно за загарантирани резултати.
Состојки:
- ¼ шолја крупно мелено кафе
- 3 лажици топла вода
- 2 лажици маслиново или бадемово масло
Подготовка:
Помешајте го кафето со трите лажици вода. Оставете да отстои 10 минути, додека смесата не се претвори во густа паста. Потоа додајте го маслото.
Истуширајте се и измијте ја кожата со млака вода. Додека сè уште сте под туш нанесете ја пастата и со кружни движења масирајте ги критичните делови 5 минути.
Потоа исплакнете со млака вода и по потреба нанесете масло или млеко за тело.
Постапката повторувајте ја 2 пати неделно.