Уличната мода го кажа својот суд – тесните skinny фармерки се аут, новиот тренди модел е ѕвонест, со висока половина и со поткусена должина. Со години верни на тесните фармерки, а потоа и на boyfriend-моделот, сега ѕвездите на уличната мода, блогерките и стилските икони претпочитаат широки фармерки во ретро стил. Овој модел може да се најде во понудата на хајстрит-брендовите, но и дизајнерите на луксузните модни куќи како „Гучи“, „Фенди“ и „Клое“ ги вметнаа во своите колекции.
