Второто место по посетеност во Индија, по Таџ Махал е малиот град Кхајурахо, познат по неговите храмови кои датираат од периодот помеѓу 9-тиот и 11-тиот век. Некогаш на времето биле изградени 85 храмови, од кои денеска се останати само 25.
Тие постојано биле уништувани од страна на муслиманското население заради еротските скулптури кои се наоѓаат на нив. Името на градот потекнува од индискиот збор за урмино дрво, бидејќи некогаш целиот регион околу храмовите бил преплавен со нив. Ова место претставува одличен пример за комбинација од архитектура и фантастични скулптури.
