“The Westin Dawn Beach Resort & Spa”, St. Marten е права оаза сместена на прекрасен бел песок на “Dawn” плажата…
Со луксузно опремени соби и апартмани ова одморалиште е идеално да побегнете од гужвата и секојдневието и да ги наполните батериите со несекојдневна релаксација и забава.
Одморалиштето на располагање има 308 соби чиј елегантен декор и поглед на волшебните заоѓања на сонцето со сигурност ќе останата врежани во вашите мисли како незаборавен спомен. Исто така гостите можат да изнајмат апартмани кој имаат огромен простор доколку сакаат да приредат некоја забава. Апартманите како што е “One Bedroom Oceanfront Sute” нудат и директен поглед на океанот и еден “king size” кревет како и одвоено место за седење и релаксација.
Гостите можат да уживаат сурфајќи, или истражувајќи ги длабочините на океанот. За оние помалку ексцентричи ќе биде доволно со своите голи стапала да го осетат топлиот, бел песок додека уживаат шетајќи по бајковитата плажа која е долга преку 30 миљи. Одморалиштето во својата понуда има и теретана, кино сала и луксузен ресторан со интернационална кујна.
