Паровите кои пробуваат да затруднат знаат дека тоа не е секогаш така едноставен процес. Многу често знае да станува збор за исклучително долг и фрустрирачки процес, бидејќи многу работи треба да се поклопат, на основа на што можеме да заклучиме дека тоа и не е секогаш така лесна задача.
Земајќи го во превид тоа дека поголемиот дел од жените пробуваат во текот на својот живот да ја избегнат бременоста, прилично парадоксално звучи фактот дека просечната, здрава 30 годишна жена има само 20% шанси да забремени во посакуваниот циклус, судејќи според податоците од “American Society of Reproductive Medicine”.
Овој податок е објавен во публикацијата “Age and fertility: A guide for patients”. Жената е најплодна во своите 20-ти години, а нејзината плодност се намалува во 30-тите години, особено над 35-тата.
Секој месец кој пробува да остане бремена, здравата жена во триесеттите години има 20% шанси да забремени.
Тоа значи дека од 100 здрави, плодни жени кои се обидуваат да забременат во еден циклус успешни ќе бидат само 20 од нив, односно една петтина. Останатите 80 жени ќе мора да чекаат во наредниот циклус за да се обидат да забременат.
До 40-тата година, шансите да останат бремени се намалува за 5% од циклус, па така од 100 жени во 40-тите години успех ќе имаат само 5.
Овие податоци се однесуваат на природното зачнување, а не на вештачкото оплодување.