Музиката и пеењето кај децата го забрзуваат развојот на функциите на мозокот и помагаат во борбата против депресијата.
Музичко образование го забрзува развојот на мозокот кога станува збор за малите деца, особено во областите кои се одговорни за обработка на звукот, перцепцијата на говорот, развојот на говорот и вештините на читање.
Контролираното лечење за време на кое се слуша и свири музиката е исто така ефикасен третман за проблемите со менталното здравје.
Истражувањето потврдува дека додавањето на музичката терапија во третманот го подобрува социјално функционирање на лицата со шизофренија.
Музичката терапија, исто така, се покажа како ефикасна како самостојна терапија за намалување на депресија и хроничната болка.
Институтот за мозокот и креативноста на Универзитетот во Калифорнија, уште во 2012 година започна со пет годишно истражување во соработка со Филхармонијата на Лос Анџелес и Здружението Срцето на Лос Анџелес со цел да се открие влијанието на музичкото воспитување врз детскиот когнитивен, социјален и емоционален развој.
Првичните резултати од истражувањето, кои беа објавени во научни списанија, обезбедија докази за придобивките од таквото образование во време кога во голем број на училишта се намали или дури беше и протерана музичката и уметничката програма. За време на истражувањето, невролошките истражувачи го следеа развојот на мозокот и однесувањето на група од 37 деца од посиромашна област на Лос Анџелес. Децата учеа да свират инструменти како виолина во ансамбли и групи и вежбаа до 7 часа неделно.
Истражувањето покажа дека наставата по музика го забрзува развојот на слушните помагала во мозокот и ја зголемува неивната ефикасност.
Научниците ги споредуваа децата музичари со врсниците кои тренираа фудбалот и со оние кои немаа дополнителни програми.
Во рок од две години тие откриле дека чувството за слух кај децата-музичари созрева побрзо отколку кај другите деца, објавија медиумите.