Сочно, освежително и слатко…
Потребни состојки
За тестото:
8 белки
300 гр шеќер
1 лажица густин
1 лажица брашно
и една лажица пудинг од малина
За филот:
½ л млеко
200 гр шеќер
5 лажици брашно
8 жолчки
2 ванилин шеќер
250 гр путер
Овошен фил:
3 дл вода
300 гр шеќер
150 гр пудинг од јагода
300 гр црвено овошје (може и смрзнато)
Подготовка:
Убаво изматете ги белките, па потоа додадете го шеќерот додека не добиете цврст снег. Полека измешајте го густинот, брашното и една лажица пудинг од малина во прав.
Печете на 120 степени околу 30 минути. Кората не смее да е пресушена.
За жолтиот фил измешајте ги јајцата и брашното, шеќерот, ванилиниот шеќер и малку од млекото од кое се одвои пола литро. Потоа смесата ставете ја во врело млеко и варете неколку минути. Потоа оставете нека се излади.
Путерот пенесто изматете го, додавајќи му лажица по лажица од филот е се тоа убаво изматете го за да добиете убава еднолична смеса..
Овошен фил:
Од 300 гр шеќер одвојте 4,5 лажици и измешајте го со пудингот од јагода, додајте и 5,6 лажици вода. Остатокот од водата и шеќер ставете нека вријат. Сварете го пудингот во врелата вода со шеќер. На крајот додадете го и овошјето.
Кората премачкајте ја со жолтиот фил, а потоа нанесете од изладениот овошен фил.