Музичарот Елтон Џон за кој наскоро треба да почне да се снима биографски филм, изјавил дека неговиот лик сака да го игра Џастин Тимберлејк. Тој би можел и да пее во истиот филм, а со тоа поверодостојно би се прикажал ликот на Елтон.
– Наскоро за сето ова ќе дадам и службена изјава. Сакам да ме глуми Џастин Тимберлејк, тој е мојот избор број 1, дефинитивно. Веќе сè е смислено, сценариото и сè останато. Ли Хол го напиша сценариото – изјавил пејачот.
Интересен е фактот што Џастин веќе еднаш го има глумено Елтон Џон, но во прилично кратка улога во филмот „Rocket Man“ на Дејвид ЛаШапелеј.