Синоќа во Лос Анџелес се одржа 69-тото доделување на наградите „Златен Глобус“
За најдобар филм е прогласено остварувањето „Потомци“ во категоријата драма, а во категоријата мјузикл или комедија, наградата му припадна на филмот „Уметник“.
Џорџ Клуни ја зеде наградата за најдобра главна улога во „Потомци“, а Мерил Стрип за главна женска улога во “Железната дама“. Истите признанија, но во категоријата комедија/мјузикл го добија Жан Дужарден („Уметник“) и Мишел Вилијамс („Мојата недела со Мерлин“).
За најдобар режисер е проглсен Мартин Скорсезе и тоа за филмот „Хуго“. Најдобар странски филм е иранската приказна за развод „A separation“, кој победи во конкуренција на филмот на Анџелина Џоли.
„Уметник“ освои награда за филмска музика, а „Тинтин“ за најдобар анимиран филм.
Во телевизиска конкуренција, најдобра серија е „Homeland“ (драма) и „Модерно семејство“ (комедија). За најдобри актери се прогласени Келси Гремер („Шеф“) и Клер Дејнс („Homeland“), односно Лора Дерн („Просветлени“) и Мет ЛеБлон („Епизоди“).