ПОТРЕБНИ СОСТОЈКИ:
5 јајца
400 грама шеќер
250 грама бадеми
3 лажици јако црно кафе
1 лажица остро брашно
120 грама путер
НАЧИН НА ПОДГОТОВКА:
Направете шлаг од 5 белки. Постепено додавајте го 250 грама шеќер непрестајно матејќи со миксер. Откако ќе добиете цврст шлаг додадете ги мелените бадеми, лешници или ореви.
Смесата поделете ја во 2 дела. Во намастен плех за печење на умерена температура 160 степени Целзиусови 20 минути испечете 2 кори.
За крем. Изматете ги 5 жолчки со преостанатиот шеќер. Додадете го претходно свареното јако црно кафе и брашното и сварете крем на пареа.
Откако кремот ќе се олади додадете го во добро изматениот путер.
Филувајте ги корите. Декорирајте по желба.
Уживајте!!!