По дизајнирањето на облека, Victoria Beckham почна да се занимава и со автомобили. Имено, таа помогнала при дизајнирањето на специјалното издание на автомобилот Range Rover Evoque.
– Останав доследна на себе си. Дизајнирав автомобил кој и јас самата, а и мојот маж би го возел, – изјавила Victoria при промоцијата на автомобилот.
Таа додала и дека претходно никогаш не правела вакво нешто и дека од ова искуство научила многу. Инспирација нашла на многу места.
– Многу истражував. Не само за автомобилите, туку и за чамците, авионите и слично. Тешко е да се каже од каде точно ми е инспирацијата. Не сакам да навлегувам во технички детаљи, – додава таа.
Ова специјално издание ќе биде произведено во само 200 примероци и ќе чини 80.000 фунти.
