Потребни состојки за тестото:
– 400 гр брашно
– 4 јајца
– 100 мл млеко
– Малку сол
Потребни состојки за филот:
– 250 гр младо несолено сирење
– 100 гр малини
– 50 гр шеќер
За кремот:
– 7 жолчки
– 1 јајце
– 150 гр шеќер
– 2 кесички ванилин шеќер
– 500 мл слатка павлака
– 50 гр малини
– Прелив од малини
Подготовка:
Од брашното, млекото, јајцата и солта измесете тесто. Оставете го малку да отстои. Расукајте го на побрашнета површина. Исечете го тестото на коцки и полнете го со филот. Соберете ги краевите и пристиснете ги со вилушка.
Филот подгответе го така што пенесто ќе го изматете сирењето, шеќерот и ќе ги додадете малините.
Вака подготвените коцки ставете ги во вода да се варат.
За кремот: изматете ги жолчките, јајцето, шеќерот и ванилата. Смесата варете ја на пареа со непрекинато мешање. Кремот измешајте го со добро изматената слатка павлака. Исцедените коцки прелијте ги со кремот, па одозгора ставете прелив од малини и декорирајте со неколку малини.