Prison brake

10 Најлуди експерименти на луѓе! Монструми насекаде и одсекогаш! I – дел

Експериментите врз луѓе и истражувачката етика со тек на време еволуираат. Во некои случаи, луѓето кои учествувале во експерименти биле затвореници, робови или членови на нивните семејства. Во екстремни случаи, имало и доктори кои ги изведуваат експериментите врз себе кога не можат да си дозволат да ги ризикуваат животите на другите. Ова експериментирање е познато под називот само-експеримент. Ви ја прикажуваме листата на 10-те најсурови и најнеморални експерименти изведени врз луѓе.

10. Експериментот Стенфорд затвор

Овој експеримент бил психолошка студија за тоа како реагираат луѓето кога се во затвор и каков е ефектот врз нивното однесување кон властите во затворот и кон другите затвореници. Експериментот е изведен во 1971 година од страна на тим експерти предводени од психологот Филип Зимбардо од универзитетот Стенфорд. Сеуште недипломирани студенти волонтирале да бидат стражари и затвореници. Ианку, волонтерите се наоѓале затворени во подрумот на зградата од одделот психологија на универзитетот.

Студентите брзо се адаптирале на улогите, а тоа полека довело да опасни ситуации кои предизвикале психолошки пореметувања. Една третина од стражарите развиле садистичко однесување, а повеќето затвореници биле емотивно трауматизирани. Двајца волонтери морале да бидат отстранети од експериментот уште пред тој да заврши. На крај, Зимбардо решил експериментот да биде прекинат, поради насилството и антисоцијалното однесување на волонтерите.

9. Монструозната студија

Во оваа студија учествувале 22 сирачиња од Давенпорт, Ајова и тоа во 1939 година. Експериментот го предводел Вендел Џонсон од универзитетот во Ајова, а се однесувал на пелтечењето. Мери Тудор, студент на Вендел го извршила експериментот, а тој ја надгледувал. Откако ги ставиле децата под контрола и ги распределиле во експериментални групи, половина од децата Тудор ги третирала со позитивна терапија. Постојано ја фалела течноста на нивниот говор. На другата половина од децата им велела дека пелтечат и цело време ги потценувала и ги исмејувала.

Повеќето од децата кои нормално говореле, а примиле негативен третман во експериментот, почнале да зборуваат со потешкотии и тоа имало психолошки ефект на несигурност во говорењето во текот на целиот нивен живот. Експериментот е чуван во тајност со цел да се зачува репутацијата на Џонсон. Во 2001 година, универзитетот од Ајова јавно се извинил за чудовишната студија со цел да се докаже некоја теорија.

Напиши коментар