Мојата кујна

Чоколадна пита

Префинетоста на чоколадото преточена во мека и вкусна пита.

Потребно е:

200 гр темно чоколадо (над 60% какао маса, иако можете да комбинирате пола млечно пола темно чоколадо)

150 гр путер

5 белки

5 жолчки

прстофат сол

100 гр шеќер

1 ќесичка ванилин шеќер

100 гр мелени бадеми

1 прашок за пудинг од чоколадо

пециво, на врв од нож

 

Подготовка:

Чоколадото скршете го на коцки и заедно со путерот ставете го да се стопи на пареа. Кога ќе се растопи, оставете малку да се олади. Од белките и солта направете цврст снег. Во друг сад изматете ги жолчките заедно со шеќерот и ванилиниот шеќер. Матете додека да побелат жолчките и шеќерот се растопи. Растопената чоколада со путерот ставете ја во смесата со жолчки, измешајте малку и потоа додадете ги белките на неколку наврати (најубаво на три пати, притоа првиот пат мешајте енергично за да се соединат шлагот и смесата, а другите два пати не мешајте толку силно, затоа што целата пита ќе спласне во текот на печењето – ете ви бонус совет). Прашокот за пудинг просејте го заедно со печивото. Прашокот и мелените бадеми додадете ги во течната смеса. Земете едно тавче за печење и намачкајте го со путер, убаво. Претурете ја во него смесата и ставете ја питата да се пече во претходно загреана рерна на 180 целзиусови степени, околу 35 минути.

1 Коментар

Напиши коментар