На врв на листата на списанието Форбс се најде Лејди Гага, која во годинава што изминува заработила 90 милиони долари.
Со таа заработка Гага го зазела првото место меѓу жените кои најмногу заработуваат во музичката индустрија, а има двојно поголема заработка од втората жена на листата, кантри пејачката Тејлор Свифт. Тејлор заработила 45 милиони долари.
Трета на листата, веднаш позади Свифт е Кети Пери (44), четврта е Бијонсе (35), а петта Ријана (29 милиони).
Подолу на листата се наоѓаат пејачките Пинк, Кери Андервуд, Селин Дион, Адел, Алиша Кис и Бритни Спирс.