Мојата кујна

Cheesecake од боровинки

Кремаст, вкусен, сочен… го обожавам

Потребни состојки за тестото:

–      250 гр бисквити со путер

–      100 гр ореви

–      100 гр путер

Подготовка:

Оревите и бисквитите смелете ги и додајте им го растопемиот путер. Од убаво измесената смеса наравете кора која ќе ја ставите во една тава со дијаметар од 22 цм. Освен на подлогата од смесата ставете и на страничните делови од тавата. Ставете ја во фрижидер околу 10 минути.

Додека тестото се лади вие подгответе го филот.

Потребни состојки за филот:

–      500 гр крем сирење

–      450 гр павлака (неутрална)

–      200 гр шеќер

–      4 јајца

–      1 кесичка ванила

–      ¼ шолја брашно

–      250 гр смрзнати боровинки

Измиксирајте го сирењето, павлаката, шеќерот а потоа додавајте ги едно по едно јајцата и половина од количината брашно. Добиената смеса ставете ја тавата. Во остатокот од брашното ставете ги боровинките и промешајте, а потоа посипете ги врз смесата.

Ставете го колачот да се пече во загреана рерна на 160 степени околу 90 минути.

Кога ќе биде печен извадете го колачот и оставете го да се лади, а вие во меѓувреме подгответе го преливот.

Потребни состојки за преливот:

–      300 гр џем од боровинки

–      сок од два лимони

–      и свежи боровинки, по желба

Сите состојки ставете ги во тава и загрејте ги на оган. Кога ќе почне да врие тргнете ја тавата од оган и прелијте го колачот.

Напиши коментар