Мојата кујна

Чоколадна торта без брашно

За љубителите на совршениот вкус на чоколадото…

Потребни состојки:

–      35о гр чоколадо за готвење, исецкано

–      175 гр путер исечен на 6 дела

–      5 поголеми јајца

–      1 шолја шеќер

–      2 кесички ванилин шеќер

–      ¼ лажичка сол

–      ¼ шолја какао во прав

За глазурата:

–      115 гр чоколада за готвење

–      40 гр путер

Подготовка:

Намастете го округлиот калап за печење со пречник 22 цм. Загрејте ја рерната на 150 степени.

На пареа растопете ги чоколадата и путерот, па соединете ги. Во сад со миксер изматете ги јајцата, шеќерот, ванилиниот шеќер, солта и 2 лажици топла вода. Миксирајте на средна брзина се додека смесата не стане светла и двојно поголема од почетната количина на смесата. Намалете ја брзината и додајте ја чоколадната смеса. Зголемете ја брзината и матете уште 30 секунди, а потоа додадете го какаото и миксирајте уште 30 секунди.

Сипете ја смесата во калапот и печете 40 до 45 минути. Оставете го тестото на страна да се излади. Потоа ставете го во фрижидер да отстои најмалку 6 часа. Потоа прелијте ја тортата со глазурата која ќе ја подготвите така што ќе ги растопите чоколадата и путерот на пареа.

Напиши коментар