Мојата кујна

Чоколадни мафини со вишни

Пробајте ја оваа одлична комбинација на чоколада и вишни…

Потребни состојки:

–      50 гр шеќер

–      1 ванилин шеќер

–      100 гр маргарин

–      1 јајце

–      2 дл млеко

–      2 лажици какао

–      150 гр меко брашно

–      1 кесичка пециво

–      200 гр вишни

–      200 гр чоколада, половина исецкана, а половина растопена

Подготовка:

Оставете го маргаринот на собна температура за убаво да омекне, а потоа соединете го со шеќерот. Додајте ја ванилата и едно цело јајце, па убаво измешајте со миксер. Чоколадата преполовете ја, едната половина исецкајте ја, а другата растопете ја на пареа. Во неа ставете го млекото и какаото  со постојано мешање. Постепено растопената чоколада ставете ја во смесата од јајца и маргарин. Потоа ставете го брашното во кое го измешавте и пецивото.

Потоа додајте ја и исецканата чоколада во смесата.

На крајот ставете ги вишните од кои ги извадивте семките и убаво измешајте со дрвена лажица. Во тавата со калапи ставете прво хартиени калапи, кои ќе ги наполните само 2/3 не повеќе, затоа што колачите ќе нараснат при печењето.

Печете во загреана рерна на 180 степен околу 20 минути.

Напиши коментар