Убавина

Дали сте доволно храбри за новиот хит во шминкањето?

Розов кармин? …Можеби помислата на ваков додаток при дневниот или вечерен мејкап, не звучи како најдобра идеја, но всушност карминот со одредена нијанса на розова боја, со име   „ Pepto Pink “ , благодарение на многубројните славни личности е најновиот „ must have “, во светот на убавината !!!

Во последно време, на „црвените теписи“ завладеа нов моден крик, односно впечатливиот црвен кармин остана „ во сенка “, покрај сé почесто застапената розова нијанса на кармин. Така, трендот го најавија актерката Блејк Лајвли, пејачките Ники Минај и Кели Озборн, но и други ѕвезди кои на сите спектакуларни евенти, блескаат во некоја од розовите нијанси. Иако црвената боја на кармин беше тотален хит и број еден, сепак новата алтернатива на розова нијанса, носи младешки и разигран изглед. „ Barbie “ розовиот кармин, одлично прилега на секојдневните еднобојни комбинации, но исто така може да биде и навистина гламурозен. Тоа го покажа Нина Ричи, на црвениот тепих во Берлин.

„ Усните со непровидна розова боја, без сјај, се супер секси и навистина модерни “ е изјавата на познатата шминкерка Рејчел Вуд, која сепак советува, доколку се одлучиме на ваков чекор, да го прескокнеме ставањето руменило, бидејќи би изгледале како од осумдесеттите, а не како да сме во последен чекор со најновиот тренд !!! За оние со посветли тенови, стручњаците советуваат „ нечиста “ нијанса на розов кармин, а оние со потемен тен, би требало да ги испробаат посветлите тонови на розова боја, со додаток на сина нијанса. „ Pepto Pink “ се најде на ревиите на Valentino, Akne, Marni , Costume National и многу други брендови…Бидете храбри и направете чекор да се најде и на Вашите усни.

Напиши коментар