Мојата кујна

Италијанска торта од чоколадо

Италијанците се познати по маестралните специјалитети…особено оние со неодоливата човечка потреба, наречена чоколадо…

Ви претставуваме преубава, богата, а сепак лесна италијанска торта.

ПОТРЕБНИ СОСТОЈКИ:

100 грама путер

350 грама чоколадо за готвење

1 лажичка ( 15 грама) инстант кафе во прав

3 супени лажици ( 45 грама ) незасладено какао во прав

5 големи јајца

250 грама шеќер во прав

5 супени лажици мелени ореви

100 грама парчиња ореви

За попрскување:

1 лажичка ( 15 грама) незасладено какао во прав

1 лажичка ( 15 грама ) шеќер во прав

НАЧИН НА ПОДГОТОВКА:

Загрејте ја рерната на температура од  180°C и со путер намачкајте го плехот, со дијаметар од  20 см. Путерот и чоколадото скршени на парчиња, растопете ги во сад, на пареа или во микробранова печка, наместена на одмрзнување. Полека мешајте додека чоколадото целосно не се растопи и не добиете еднаква смеса. Помешајте ги и кафето и какаото.

Во друг сад, помешајте ги јајцата и шеќерот додека не добиете цврста смеса со светла боја, околу 5 минути, а потоа, додадете ги мелените ореви и парчињата ореви. Полека помешајте ја чоколадната смеса со смесата од јајца и истурете го тестото на намачканиот плех.

Печете 40 минути или додека површината на тортата не се исуши и стврдне. Исклучете ја рерната и оставете ја тортата да се олади. Кога тортата ќе се олади, извадете ја од ладната рерна, а потоа и од плехот.Посипете ја мешавината од какао и шеќер во прав, сечете на парчиња и тортата е готова за послужување.

Извонредна е …Уживајте во нејзиниот вкус !

Напиши коментар