Таткото на Britney Spears побарал од нејзиниот свршеник Jason Trawick да се грижи за неа како старател.
Од сега па натаму, Jason ќе може легално да ја контролира пејачката за нејзино општо добро, но нема да има контрола над нејзините финансии. Списанието „People“ наведува дека Trawick ќе ги надгледува сите аспекти од животот на Britney, вклучувајќи го и нејзиниот начин на исхрана, облекување и медицинска нега.
Таткото на пејачката, Jamie Spears, ја имал оваа улога на старател откако таа доживеа нервен слом во 2008 година. Адвокатите сметаат дека оваа улога не може да ја има било кој, и според најновите случувања очигледно е дека на повидок е уште една свадба.
Britney и Jason се свршија минатата година, а Spears ќе може сама да управува со својот живот кога судот ќе донесе таква одлука врз основа на нејзината лекарска документација.