Мојата кујна

Крцкава пита со јаболки

Вкусен десерт кој одлично оди во комбинација со сладолед:)

Потребни состојки за тестото:

–      280 гр брашно

–      140 гр путер

–      70 гр шеќер во прав

–      2 жолчки

–      1 лажица бело вино

За филот:

–      1 кг јаболки

–      цимет

–      сок од лимон

–      ореви

–      суво грозје

–      ванилин шеќер

Подготовка:

Измешајте ги состојките за тестото. Путерот мора да биде на собна температура и никако не го месете тестото премногу долго. Откако ќе го измесите тестото ставете го на ладно место да стои 30 минути.

Исчистете ги јаболките и исецкајте ги на коцки. Додајте им малку цимет и сок од лимон. Оревите, сувото грозје и ванилиниот шеќер додајте ги во смесата со јаболките. Одвојте 2/3 од тестото и ставете го во калапот за печење, па одозгора сипете го филот и со пресотанатото тесто прекријте ја питата. Печете од 30 до 45 минути на средна температура. Питата послужете ја со топка сладолед од ванила.

 

Напиши коментар