Дванаесетиот студиски албум на кралицата на поп музиката ќе излезе кон крајот на оваа година. Мадона открила за ББС дека кон крајот на оваа година, нејзините обожаватели ќе можат да го чујат нејзиниот најнов албум кој ќе се вика „МДНА“.
„МДНА“ е прв албум на пејачката по пауза од четири години. Нејзиниот последен албум „Hard Candy“ излезе во 2008 година и беше промовиран на турнејата која го носеше истиот назив како и албумот.
За новиот албум, Мадона соработувала со Ники Минаж, а на една од песните како гостинка се јавува британската пејачка МИА.