Убавина

Minx маникир – трендот кој ги заведе сите жени

Нокти со метален сјај, кои можат да издржат и до две недели…

Трендовите на средување, обликување и боење на ноктите се менуваат од сезона во сезона. Голем хит во овој момент е minx маникирот.

Секако, овој тренд го доживеа своето „ деби “ и успех, преку познатите. Сигурно на Кејти Пери, Бијонсе, Ријана и Лејди Гага можевте да забележите ултра сјајни, блескави и беспрекорно средени нокти.

Посебност на овој вид маникир е тоа што самиот процес на такво средување на ноктите, трае колку и обичниот маникир, нема потреба од чекање лакот да се исуши, бидејќи, всушност лак не се ни нанесува на ноктите…

Minx е името на вид фолија со висок сјај, која се нанесува на ноктите. За истата да се залепи што е можно подобро за ноктот, прво се загрева, па се аплицира на ноктите. Вишокот, се отстранува од ноктот лесно и едноставно, а вие две недели ќе имете ултра модерни нокти, со cool изглед…

Овој маникир не е нов, односно се појави уште од 2007 година, но сеуште е популарен и баран. Кај нас за жал, не толку, бидејќи сеуше не е раширен… Причината, е во високите цени. Меѓутоа, за да можат сите да уживаат во овој тренд, различни произведувачи, на пазарот нудат лакови со висок сјај, кои сепак не гарантираат двонеделно совршенство со интересен изглед…

Напиши коментар