ШоуБиз

Откажан концертот на Lady Gaga во Индонезија!

Lady Gaga била приморана да го откаже концертот во Џакарта откако конзервативните верски водачи во Индонезија ги оцениле нејзините концерти како премоногу провокативни.

Пејачката дефинитивно има огромен број фанови и во главниот град на Индонезија. За тоа сведочи и распродадениот концерт кој требаше да се одржи на 3-ти Јуни на стадионот „Gelora Bung Karno“ со капацитет од 52.000 луѓе.

Сепак, верските лидери од Индонезија стравуваат дека Gaga со својот „вулгарен“ стил и секси настапи може да има негативно влијание врз младината во оваа земја.

Гласноговорникот на државната полиција изјавил дека дозволата за настапот е одбиена од причина што се сомневаат дека пејачката може да им гарантира сигурност за време на одржувањето на концертот.  Дефинитивно, во оваа земја, верските лидери имаат огромно влијание, а се заканиле дека можна е и употреба на физичка сила ако концертот не биде откажан.

Напиши коментар