Совршен чоколаден колач

ПОТРЕБНИ СОСТОЈКИ:

4 јајца

100 грама шеќер

200 грама маргарин

100 грама чоколадо за готвење

4 лажици брашно

1 прашок за печиво

500 милилитри слатка павлака

200 грама чоколадо за готвење

1 лажица шеќер

НАЧИН НА ПОДГОТОВКА:

Искршете ги јајцата одвојте ги жолчките од белките. Од жолчките и шеќерот изматете цврст крем, потоа додадете го стопениот маргарин и стопеното чоколадо, убаво измешајте и потоа додадете го брашното и прашокот за печиво. Потоа од белките направете шлаг и додадете го во кремот од жолчки и убаво измешајте со лажица, мешајте додека не добиете компактна маса.

Ставете го кремот во плех за печење и печете на 180 степени Целзиусови 20 минути.

Слатката павлака во која ќе додадете лажица шеќер ставете ја на среден оган. Кога малку ќе се замлачи додадете го искршеното чоколадо и почекајте нека зоврие,  мешајте цело време за да се стопи чоколадото. Доколку чоколадото не се стопи откако слатката павлака почне да врие, тргнете ја од оган и продолжете да мешате додека целото чоколадо не се стопи.

Внимавајте кремот да не се олади пред да го ставите врз испечениот чоколаден пандишпан. Колку е пожежок толку поубаво ќе се впие во пандишпанот.

Откако ќе го направите колачот оставете го во фрижидер околу 6 часа за кремот убаво се стврдне.

Уживајте!!!