Мојата кујна

Торта со пишкоти, павлака и шумско овошје

Лесно за јадење и исто толклу лесно за подготовка:)

Потребни состојки:

–      200 мл слатка павлака

–      1 лимон

–      2 ванилин шеќер

–      4 павлаки

–      2 кесички желатин

–      400 гр пишкоти

–      150 гр шеќер во прав

–      300 мл млеко

–      400 гр шумско овошје

Подготовка:

Во слатката павлака ставете изрендана кора од лимон и ванилин шеќер и убаво измиксирајте ја. Продолжете по ред да ги додавате шеќерот во прав, павлаките и растопениот желатин. Во калап ставете хартија за печење а потоа наредете ги пишкотите. Пред да ги ставите пишкотите во садот потопете ги во млеко за да омекнат. Од пишкотите ставете и околу калапот така што ќе ги поставите испарвено. Ставете половина од смесата врз пишкотите. Одозгора ставете половина од шумското овошје. Потоа ставете уште еден ред од пишкотите и повторете ја постапката со изматената смеса и шумското овошје. Откако ќе завршите ставете ја тортата во фрижидер да стои најмалку 2 часа.

Уживајте!

 

Напиши коментар