Жвакањето мастика може да ја подобри интелигенцијата за 10 процентни поени, покажа најновото истражување на група научници од универзитетот “Sent Lorens” во Њујорк.
Истражувањето кое е спроведено над 224 студенти, даде неверојатни резултати. Имено на половина од студентите во истражувањето на 5 минути пред испит им било дозволено да џвакаат мастика додека пак другите останале без мастики. По завршување на испитот и објавувањето на резултатите од истиот било воочено дека оние студенти кои џвакале мастика имале подобри резултати на тестот за разлика од оние кои на испит влегле без мастика во устата.
„ Се прашувате зашто е тоа така? Одговорот е едноставен… при џвакањето мастика се прави додатен напор кој ја поттикнува и зголемува циркулацијата на крв кон главата. Тоа пак доведува до поголема функционалност на мозокот, пред се помнењето и запамтеното. Но не претерувајте џвакањето нека трае од 15 до 20 минути, бидејќи по тој временски период уморот од џвакањето мастика вие нема да го осетите но телото и те како го чувствува и ги намалува интелектуалните способности“ – истакнува Доктор Luis Vanmergen.