8 топ дестинации за да избегате од зимата

Доколку не сте љубител на зимата и снегот, ви предлагаме осум места, совршени за вас и вашиот одмор во текот на празниците.

Ова се најдобрите места во кои може да го продолжите вашето уживање на сонце, ладни пијалоци и лесна гардероба. Нема подобро време за посета на овие места, бидејќи во овој период нема многу гужва. Без дополнителни одлагања, погледнете што ви подготвивме..

Niyama, Малдиви – ова луксузно одморалиште на Малдивите е опишано како “откачено и забавно”, и многу се разликува од остатокот од понудите на оваа локација. Совршено место за вас доколку сакате да правите уште нешто освен да лежите на плажа.

Gaya Island Resort е современо еко одморалиште во Борнео, опкружено со златни песочни плажи, камени заливи и корални гребени. Оаза на летото, совршено за сите вас кои сте зимурливи.

One&Only Ocean Club е класична населба на колонијални плантажи, опкружени со километарски песочни плажи. Луксузниот ресорт на Бахамите е познат по своите гости кои се членови на елитата, познати чичности и џет-сет.

Viceroy Anquilla на Карибите, се наоѓа на 35 хектари бујно земјиште, со големи плажи. Посетителите можат да комбинираат уживање на сонце и релаксација со акција и авантура, покрај разновидната понуда што ја нуди овој ресорт.

За оние кои сакаат забава и сонце, Miami Shore Club на Саут Бич, е совршена локација. Овој ресорт ви нуди голем број забави, настани и веројатно ќе налетате на некој од славните личности.

Turtle Inn е прав рај. Се наоѓа во Белизе и претставува современ еко ресорт со неверојатен поглед на море. Уживајте во нуркање на Големиот Гребен, или едноставно опуштете се на еден од неколкуте базени или на некоја од прекрасните бели песочни плажи.

Asia Gardens Hotel & Thai Spa е уникатен концепт на модерната технологија со моќен изглед на индиски и тајландски палати. Ова место ќе ве однесе во друг свет, во кој мистичната Азија се среќава со сончевиот Медитеран.

Dar Jaguar е средновековна локација, прекрасно обновена како приватно сместување кое одзема здив. Се наоѓа во срцето на стара Медина во Маракеш и во близина на познатиот трговски центар Jemmaa el Fna. Совршен е за долги одмори, како и за викенд посети.