Здраво тело

Билки за детоксикација на организмот

Збогатете ја водата со освежувачки и здрав вкус.

Здравото тело бара детоксикација на организмот. Супстанциите кои имаат негативен ефект на вашето здраво функционирање треба да се елиминираат, а наједноставен начин за тоа е да пиете доволно вода. Сите вие кои не сте љубители на оваа течност без боја, вкус и мирис, своите ‘маки’ за консумирање можете да си ги олесните со тоа што во водата ќе додадете билки кои ќе го збогатат вкусот и ќе ја подобрат нејзината ефикасност.

За и овој рецетжпт да биде поефикасен, потрените намирници исечете ги и ставете ги во сад или шише со вода и оставете да отстојат во ладилникот во текот на ноќта. Потоа можете да почнете со вкусна и здрава детоксикација.

Лимон

Ова овошје навистина не е проблем да го набавите во текот на целата година, а исклучително е моќно за чистење на организмот.

Исцедете го во вода, ако сте сигурни дека не е прскано или на било кој начин хемиски третирано, исечете го на парчиња и додадете го во водата.

Нане

Наместо да додадете шеќер – за кој веруваме дека не е потребно да повторуваме колку е штетен – сладост на водата ќе и додадете толку со нане кое го смирува воспалениот стомак и го подобрува варењето на храната.

Краставица

Неколку парчиња од овој зеленчук богат со состојки кои помагаат на воспалените процеси, ќе овозможи дополнителна хидратација на организмот.

Ѓумбир

Ако не сте навикнати на специфичниот вкус на овој корен, за почеток ставете помала количина, па подоцна по желба зголемете ја дозата. Прочистувањето на телото со ѓумбир е загарантирано, а одличен е и за регулирање на варењето на храната.

Напиши коментар