Комфорен стан во Стокхолм

Кога станува збор за големи (во случајов, многу големи) станови, удобноста е фактор кој обично не се зема во предвид…

Пријатно изненадување е овој стан со 7 соби и 340 метри квадратни во Стокхолм, кој зрачи со топлина. Необичниот дом ги завзема последните два спрата од една зграда во центарот на градот, и го искористува до максимум поткровјето, каде се наоѓаат библиотеката и три мали спални соби.

Една од најинтересните работи на горното ниво е дневниот простор десно покрај скалилата, каде е создадена навистина интимна атмосвера со помош на дрвените акценти и удобниот намештај. Долниот спрат поседува отворен дневен и трепезариски простор, кујна и голема спална соба. Многу инспиративни идеи можат да се пронајдат при анализата на дизајнот на оваа куќа, затоа ви посакуваме да уживате правејќи го токму тоа…