Луксузен дом во Мумбаи

Ултра удобна. Ултра модерна. Луксузна. Така оваа модерна резиденција ја опишуваат архитектите кои работеле на неа…

Таа е фасцинантна – од еден поглед на стаклениот таван во дневната соба, со прекрасни стаклени ивици од едната страна и фонтани од другата страна. Софите со боја на костен го разубавуваат другиот дел од просторот, а осветлувањето им дава можност на сопствениците да го сменат аголот и површината на осветлување, во зависност од саканиот амбиент и расположение. На само неколку чекори подалеку е трепезаријата со прекрасни костенести мотиви, кој се вклопуваат со мебелот.

Кога ќе излезете на тераса, ќе помислите дека лебдите во воздух. Лажната трева и дрвените панели ќе ве држат на земјата, додека погледот на брегот на Мумбаи ќе ја разбуди вашата имагинација. Кујната е совршено опремена и декорирана со мермер и има ултра модерни апарати од нерѓосувачки челик и е доволно пространа. Бањата е надвор од било каква конкуренција, ве мами да се опуштите и да уживате по долгиот и напорен ден, пред да заминете на спиење во луксузната спална соба.