Убавина

Мелина знае најдобро: Моќта на мислите при постигнување на совршена силуета

Почетокот на овој текст, би сака да го започнам со еден цитат од Ерл Најтигејл кој вели:

„Најчудната тајна на светот е дека станувате тоа што мислите дека сте“.

Оваа фраза мора да ја сфатите буквално и да ја запомните, затоа што иако мислите дека свеста го контролира вашето однесување, всушност, тоа е дело на потсвеста. Ако знаете што треба да направите, а сепак не можете да се натерате себеси да го направите тоа, тогаш најверојатно и давате негативни или конфликтни пораки на вашата потсвест. Однесувањата што се контролираат со потсвеста се нарекуваат навики. Потсвеста може да се репрограмира и со позитивни пораки и да се создадат позитивни навики.

Тајната за тоа да бидете постојано мотивирани е во поставувањето многу емотивни цели и во целосната фокусираност на нив, и дење и ноќе.

Не сакам да ме сфатите погрешно, не кажувам дека можете да ослабите само со мислите. Независно од тоа колку позитивно мислите, ако нема акција нема да има и резултати. Важно е да се храните правилно, вежбате активно или да се подложите на редовни третмани и сето тоа да го правите со правилно фокусирање на вашата ментална енергија, без да дозволите саботажа од негативно програмираната потсвест.

До нашето наредно читање

Ве сака

Мелина

Melina

Напиши коментар