ПОТРЕБНИ СОСТОЈКИ:
* 2 јајца
* 12 парчиња леб за тост
*3 лажици сенф
* 6 парчиња шунка
* 6 парчиња варено пилешко филе
*12 парчиња кашкавал Гауда или Ементал
* 125мл млеко
* 2 лажици маслиново масло
* сол
* мелен црн пипер
НАЧИН НА ПОДГОТОВКА:
Секое парче леб намачкајте го со сенф од едната страна. На сите 6 парчиња леб ставете по едно парче кашкавал, шунка и пилешко филе па покриете ги со другите 6 парчиња леб.
Во еден сад изматете ги јајцата и млекото. Зачинете со сол и црн пипер. Ставете маслиново масло во тавче да се загрее. Потопете ги сендвичите во млечната смеса, па ставете ги да се запржат.
Топлите сендвичи се јадат веднаш.