Motherhood

Што никогаш не смеете да им кажете на вашите деца?

Зборовите можат да прободат како меч. Затоа користете ги промислено и со многу љубов, особено во комуникација со децата. Вашите зборови можат длабоко емоционално да ги повредат.

Родителите најдобро знаат колку нивните сакани деца можат да бидат напорни, но колку и да ве изневерат не смеете да ги повредите со зборови. Некои ваши изјави можат емоционално да ги повредат. Еве неколку прилично отровни:

Ако не престанеш со тоа, ќе те оставам тука!

Заплашување на децата дека ќе ги напуштите за да го постигнете она што го сакате не е средство кое ја оправдува целта. Брижните родители нема да го користат тоа. Детето мора да знае дека родителите нема никогаш да го напуштат.

Зошто не си како твојот брат/сестра?

Никој не сака да го споредуваат со другите во негативен контекст. Така се создаваат комплекси.

Заради тебе се разведовме!

Тоа едноставно не е вистина. Не го лажете детето.

Бидејќи јас така велам. Ете зошто!

Децата заслужуваат објаснување.

Остави, јас ќе го направам тоа!

Децата треба да се потпираат на сојата моќ и способности, така ќе стекнат самодоверба.

Жал ми е што сум те родила!

Ако вакво нешто ви каже родител, најверојатно ќе го памeтите цел живот.

Ти си навистина лошо дете!

Ако отворено зборувате или сугерирате дека детето е лошо, тоа на тој начин ќе се однесува. Доколку морате да го скротите, кажете му дека она што го направило е лошо, а не тоа самото.

Напиши коментар