Вистински рај – Капри, Италија

Оваа популарна дестинација е омилено место за летувањ на ВИП личностите. Два главни центри, градот Капри и неговиот ривал Анакапри, се во потполност посветени на туризмот. Доколку се потрудите да го истражите ова прекрасно место, надвор од кафулињата и дизајнерските луксузни бутици, ќе видите дека Капри и понатаму има шарм, со грандиозни луксузни вили, плажи и парцели. Сето ова има поглед кон прекрасните сини води.

Со своите бели камени згради и мали улици без автомобили, градот Капри повеќе личи на сцена од филм, отколку на сцена од вистинскиот живот. Градот е микс од луксузни хотели, скапи барови, фенси ресторани и дизајнерски бутици. Во текот на летото тој е исполнет со многу туристи и групи од богати луѓе.