Тајната на младоста нема да ја најдете во скапите креми туку во природните намирници кои не само што се нанесуваат надворешно туку и се конзумираат под формата на пијалоци. Ви претставуваме рецепт за еден таков чудотворен сок кој го чува здравјето, ја подмладува кожата и помага при регулирање на телесната тежина.
За чудотворниот пијалок кој на вашата кожа ќе и подари еластичност и ќе ја затегне, потребни се краставица, целер и органски зелен чај.
Ефектите на краставицата се добро познати, а се препишуваат на кафеинската киселина и витаминот Ц, додека силициевата киселина е уште една компонента на краставиците мошне важна за одржување на сврзното ткиво.
Таа го подобрува тенот и го одржува здравјето на кожата, а во комбинација со вода природно ја навлажнува и и дава здрав сјај.
Целокупниот Б комплекс од целерот го одржува тонусот на кожата, додека неговата главна компонента кумарин го спречува штетното влијание на слободните радикали.
Третата состојка е неизбежниот зелен чај чија висока концентрација на антиоксиданси вклучувајќи ги Е и Ц витамините, го успорува процесот на стареење.
Состојки за фејс – лифтинг пијалок:
2 излупени свежи краставици
4 стебла целер
2 филџани органски зелен чај
Ставете ги во блендер трите состојки и добро измиксајте, по потреба додадете малку вода ако смесата е прегуста. Пијалокот се конзумира наутро на гладно, секој ден, веднаш откако ќе го направите.