Здраво тело

Зошто е добро да пиете вода со лимон?

Ако ви е досадно да пиете обична вода, пробајте нешто поинакво, кое не содржи калории и има многу здравствени придобивки – вода со лимон.

Ја прочистува кожата

Ова е една од најдобрите причини да пиете вода со лимон. Водата ги одстранува отровите надвор од ткивата и ја одржува кожата чиста, а додадениот витамин Ц дополнително помага за прочистување на отровите од крвта.

Ги намалува килограмите

Лимонската вода го засилува метаболизмот и се бори со чувството на глад, на тој начин придонесува за намалување на килограмите и за витка фигура.

Помага при мамурлук

Чаша топла вода со сок од лимон ја лекува главоболката и истовремено го смирува желудникот. Конзумирањето на топла лимонова вода има антисептично дејство, кое го детоксицира организмот по конзумирање на големи количини на алкохол.

Го освежува здивот

Лимонската вода е многу ефикасно средство за освежување на здивот, особено по јадење на зачинета храна и пушење цигари.

Го стимулира мозокот и нервниот систем

Лимонската вода содржи многу калиум. Пониските нивоа на калиум се поврзани со појавата на депресија, анксиозност и брзо заборавање. Аскорбинската киселина во лимонот обезбедува отпорност на организмот кон стрес.

Напиши коментар