Романтично патување со подморница

Компанијата Oliver’s Travels  е позната по своите ексклузивни и единствени патувања, а овој пат ни предлагаат нешто навистина единствено…

Се разбира, синото море и небото се нешто преубаво, особено ако сте на некоја луксузна јахта. Но, зошто да не отидете малку “подлабоко” од тоа?

Доколку сте подготвени да потрошите 175.000 долари за една ноќ, можете да уживате во единствениот одмор, на Lovers Deep луксузната подморница. Оваа подморница е дизајнирана за совршено романтично патување, длабоко под површината на водата. Како појдовна точка на патувањето се препорачува островот Св Луција, но можете да изберете било кој друг остров на Карибите, кој вам ви одговара. Само резервирајте го својот термин и подготвени сте за ново животно искуство. Доколку мислевете дека нема ништо поубаво од Карибите кога ги гледате од палубата на некоја лукзузна јахта, мораме да ви кажеме дека не сте во право. Длабочината на овој простор ја красат неверојатни видови на риби, јато од делфини и неверојатни корали кои само чекаат некој да ги открие.