Ако нешто може да го расипе уживањето во летните вечери на отворено, тогаш се тоас напорните комарци. Но, за заштита од убод од комарец воопшто не мора да трошите пари и да купувате скапи производи, наместо тоа послужете се со овие едноставни трикови и заштитете се на природен начин.
Банана
Многумина не знаат дека бананата може да биде корисна и за заштита од комарци. Отакако ќе изедете банана, со внатрешната страна од кората намачкајте ги рацете и нозете. Тоа ќе ве заштити од комарците.
Лаванда
Мирисот на лаванда е убав и комарците не го поднесуваат. Во маслиново, бадемово или некое масло за бебиња, додадете неколку капки есенцијалнои масло од лаванда и тоа нанесете го на вашата кожа. Освен што маслото ќе ја направи вашата кожа мека, ќе ве заштити и од убодите на комарците.
Лимон и лајм
Лимонот и лајмот се совршени за лето. Полни се со витамини и можат да се искористат за одлично летно освежување на пијалоците, но тие се, исто така, одлични и за борбата против комарците. Исечете кришка лимон или лајм и со неа намачкајте го местото на убодот, веднаш ќе почувствувате олеснување.