Дејвид Коперфилд е среќно верен човек! На 57 годишна возраст магионичарот се вери со 28 годишната девојка Клои Госелин, мајка на неговата 3 годишна ќерка, Скај.
Познатиот илузионист откри дека повеќе не е слободен ерген, откако за интервју изјави дека по завршување на 6 годишната врска со Клаудија Шифер во деведесетите, сега е верен со Клои и само таа му е во мислите и срцето.
Коперфилд и Госелин, француски модел и дизајнер, се во врска шест години. Тие своето прво дете го добија, ќерката Скај, во пролетта 2010.
„Многу сум среќна што го пронајдов Дејвид“ – изјави Госелин. „Има многу малку луѓе како него. Тој посветил 30 години на својата кариера и достигнал врв во професијата. Постигнал неверојатни работи.“
Двојката живее на архипелагот од 11 острови на Карибите, наречен Коперфилд. На истиот остров, во 2010 година, Пенелопе Круз и Хавиед Бардем во тајност се венчаа. „Поради мојата работа, имам привилегија да живеам на неверојатни места низ светот. “ – изјави магионичарот