Дестинации

Како до ефтин авионски превоз

Платете онлајн, внимавајте на деталите за тежината на багажот, добро прочитајте ги упатствата поврзани со плаќањето на куферите што ги носите со себе. Немојте да наседнете на евтини билети за кои додатно треба да платите уште два пати повеќе од сумата која сте ја платиле за багаж и аеродромски такси.

Разгледајте ги алтернативните аеродроми покрај вашата дестинација. Некогаш можеби многу поисплатливо би било ако пристигнете на друг аеродром кој се наоѓа во близина, па на посакуваната дестинација да пристигнете со воз.

Не купувајте карта 5 месеци претходно, тоа не значи дека сте добиле најниска цена. Цената може да се симне и за 50% на неколку недели пред посакуваната дата.

Авионските карти во вторник и среда се поевтини отколку во петок или сабота. Статистиката вели дека луѓето најчесто патуваат кога ќе им заврше работната недела, односно тргнуваат во петок или сабота и се враќаат во недела. Токму затоа картите во овие денови од неделата се најскапи, па попаметно е да барате лет во вторник или среда секако ако околностите ви го дозволуваат тоа.

Претплатете се на системите за испраќање понуди во меил или СМС пораки. За “Last Call” понудите ќе дознаете токму преку овие сервиси.

 

Напиши коментар