Денес скоро во сите продавници за кујнски прибор може да се најдат сетови специјално направени за ваквиот начин на готвење. Се состојат од 2 сада, едниот поголем, во кој се става вода, а другиот помал, во кој се става храната. Но, се разбира, може да се користат и челични садови што ви се наоѓаат при рака, од кои едниот може да влезе во другиот.
Водата, која ќе ја ставите во поголемиот сад не треба да преминува 2/3 од садот, инаку може да се прелее во помалиот сад. Нивото на водата и температурата, кои варираат во зависност од подготовката, треба да останат константни.
Доколку треба да растопите чоколадо, путер или сирење, најдобро е тоа да го сторите токму на овој начин. Во спротивно чоколадото може да стане премногу горчливо, путерот може да се спржи, а сирењето да се залепи за садот. Во овие случаи употребувајте топла вода, но не врела, за да се добие постепено топење на состојките. За набрзина да иматите смеса од жолчки и шеќер, постои ризик смесата да се залепи на дното доколку целата постапка се прави директно на оган. Доколку пак го употребите начинот „сад во сад“ (со многу топла вода), смесата ќе стане многу пенлива и успешна.
На овој начин може да се подготвуваат и сосови врз основа на јајца. За тоа се користи зовриена вода, а може да се подготуваат и парчиња месо или риба. Начинот на готвење „сад во сад“ е најдобар за одржување на топлината на одредено јадење, бидејќи не ги нарушува мирисот и конзистентоста на јадењата. На овој начин, но во рерна, може да се подготвуваат пудинзи, карамел кремови и разни други слични јадења што многу лесно може да се исушат. Но не е добро на овој начин да се подготвува суфле и торти со квасец, на кои за да нараснат потребна им е интензивна топлина. За варењето „сад во сад“ може да користите и експрес-лонец при што за двојно побрзо време се подготвуваат пудинзи и кремови. Но во овој случај во експрес-лонецот, освен вода и садот со состојките, треба да ставите и некоја подлога за двата сада да бидат изолирани еден од друг.